Дар марзи Русия бо Қазоқистон 3200 муҳоҷири қирғиз дармондааст

Ҳудуди 3200 муҳоҷири корӣ аз Қирғизистон ҳамоно дар марзи Русия бо Қазоқистон дармонда, наметавонанд ба ватан баргарданд.

Ба огаҳии сафорати Қирғизистон дар Русия, гуфтугӯҳо барои ташкили убур тавассути Қазоқистон идома доранд.

Бо мақомоти вилояти Оренбург ва ҷумҳурии Бошқирдистон низ барои кӯмак ба қирғизистониҳо гуфтугӯҳо анҷом мешаванд. Дар ҳоли ҳозир онҳо дар хаймаҳое зиндагӣ доранд, ки ҷониби Русия ташкил кардааст.

Дар сафорати Қирғизистон гуфтанд, ҷониби Қазоқистон феълан барои кушодани марз розӣ нашудааст ва бинобар ин, аз муҳоҷирон даъват мешавад, ки ба марзи Русия бо он кишвар нараванд.

Манбаъ: ozodi.org

Назар бидиҳед

Роёнишонии шумо нашр намешавад.