ФСБ гуфт, дар Уфа панҷ неофашистро боздошт кардааст

Мақомоти амниятии Русия гуфтанд, панҷ неофашистро боздошт карданд, ки ба қавли онҳо, дар андешаи ташкили амали террористӣ дар Ҷумҳури Бошқирдистони аксар сокинаш мусалмон буданд.

Дар изҳороти ФСБ – Хадамоти амнияти федеролӣ рӯзи 27-уми сентябр омадааст, ки панҷ боздоштшуда сокини шаҳри Уфа – пойтахти Бошқирдистон буданд ва ният доштанд бо истифода аз маводи таркандаи дастсохт амалҳои террористӣ анҷом диҳанд. Тафтишот гуфтааст, ки аз хонаҳои гумонбарон дастгоҳи таркандаи худсохт, ҷузъҳои детонатор, нӯҳ силоҳ, роҳнамои таҳияи маводи тарканда, аксҳои раҳбарони Олмони фашистӣ ва дигар далелҳоро ошкор кардаанд.

Ҳамаи боздоштшудаҳо, ки синнашон 18-20-сола будааст, дар боздоштгоҳи муваққатӣ мебошанд. Аз рӯи чанд модда, аз ҷумла иттиҳоми омодагӣ ба анҷоми амали террористӣ парвандаи ҷиноӣ боз шудааст. Феълан ҷузъиёти дигар дар даст нест. Инчунин маълум нест, ки оё боздоштшудаҳо иттиҳомоти мақомотро эътироф кардаанд ё на.

Манбаъ: ozodi.org

Назар бидиҳед

Роёнишонии шумо нашр намешавад.