Халилзод сабаби ба оташбас розӣ нашудани Толибонро шарҳ дод

Фиристодаи Иёлоти мутаҳидаи Амрико дар умури Афғонистон ҳадс зад, ки Толибон то ба даст омадани созиши сиёсӣ бо ҳукумати Афғонистон ба оташбаси доимӣ розӣ нахоҳанд шуд.  

Залмай Халилзод рӯзи 25 сентябр дар мусоҳиба бо шабакаи телевизионии PBS гуфт, “ман фикр мекунам, ки Толибон ба созиши оташбас, ҳамаҷониба ва доимӣ розӣ намешаванд, то он даме, ки  мувофиқаи сиёсӣ ҳосил нашавад”. 

Халилзод ин ҳарфҳоро баъди он зад, ки аз вай пурсида шуд, ки чаро Толибон бо ҳукумати Афғонистон музокира доранд, вале ҳамчунон ба амалиёти ҷангӣ идома медиҳанд. 

Халилзод дар посух ба ин суол, ки чаро ҷангиёни Толибон бо шабакаи террористии “Ал-Қоида” робита худро гусаста накарданд, чуноне дар як созишномаи худ бо ИМА ишора шудааст, ӯ гуфт, Вашингтон вазъро дар моҳҳои наздик баррасӣ хоҳад кард ва шумораи нерӯҳояшро чуноне ба 8, 500 баробар аст ба андозаи  4000 то ба  5000 коҳиш хоҳад дод. 

Мусоҳибаи Халилзод дар ҳоле пахш шуд, ки бар асари  амалиёти пай дар пайи Толибон  даҳҳо сарбозони амниятӣ ва неруҳои ҳукумати Афғонистон кушта ва захмӣ шуданд.

Рӯзи 26-уми сентябр ҷангҷӯёни Толиб гуфтанд, ки дар маркази Бомиён вилояти шимолу шарқии Бадахшон теъдоди номаълуми сарбозонро куштанд. 

Манбаъ: ozodi.org

Назар бидиҳед

Роёнишонии шумо нашр намешавад.