Роҳбари дипломатияи ИА аз афзоиши шумораи низомиёни Русия дар сарҳади Укроин нигарон аст

  • Манобеи молӣ: EUCTJ

Намояндаи олии Иттиҳоди Аврупо оид ба сиёсати хориҷӣ ва амният Ҷозеп Боррелл аз гирд овардани нерӯҳои низомии Русия дар наздикии марзҳои Укроин изҳори нигаронӣ кард. 

  • Ҷозеп Боррелл навиштааст, ки мушоҳидаи ҳаракати низомиёни Русия дар марзҳои Укроин ӯро ба ташвиш овардааст. Ин нуктаро ӯ пас аз  сӯҳбат бо вазири корҳои хориҷии Укроин Дмитро Кулеба, ки рӯзи якшанбеи 4 апрел сурат гирифт, таъкид дошт.
  • Боррелл ният дорад, ки ин масъаларо бо ҷониби Укроин дар нишасти навбатии вазирони корҳои хориҷии кишварҳои Иттиҳоди Аврупо баррасӣ кунад.
  • Ин ҳам дар ҳолест, ки Олмон ва Фаронса низ аз афзоиши ташаннуҷ дар шарқи Укроин изҳори нигаронӣ карда буданд.  Вазоратҳои корҳои хориҷии ҳарду кишвар ҷонибҳоро ба сабр ва паст кардани шиддати вазъ даъват намуда, инчунин ба афзоиши ҳолатҳои нақзи оташбас ишора карданд. Аммо Кремлин иттиҳомоти Киевро дар бораи ба марзҳо кашидани нерӯҳо рад мекунад.
  • Киев қаблан Маскавро ба он муттаҳам сохт, ки ҳазорҳо сарбозро ба марзҳои шимолӣ ва шарқии Укроин ва инчунин ба қаламрави нимҷазираи Қрими ишғолшуда  кашидааст.  Русия нерӯҳои мусаллаҳи худро “дар қаламрави худ бо салоҳдиди худ” ҳаракат мекунад ва “ин набояд касеро ба ташвиш орад” гуфт дар посух ба ин иттиҳомот сухангӯи президенти Русия Дмитрий Песков.
  • Маврид ба зикр аст, ки низоъ дар сарҳадоти Укроин аз масъалаҳои аслии амнияти ИА ба ҳисоб меравад, ки ба назари аксари коршиносон бе дур кардани ҳарбиёни Русия ва шарқи Укроин ва баргардонидани Қрим ба Укроин бардавом хоҳад буд.

The post Роҳбари дипломатияи ИА аз афзоиши шумораи низомиёни Русия дар сарҳади Укроин нигарон аст appeared first on MediaMarker.

Назар бидиҳед

Роёнишонии шумо нашр намешавад.