Русия қоидаҳои вуруди шаҳрвандони хориҷӣ сахттар кард

Қоидаи вуруди шаҳрвандони хориҷӣ ба Русия сахтар шудааст. Тибқи қарори сардухтури санитарии ин кишвар, акнун афроде, ки аз хориҷ вориди Русия мешаванд, бояд ду маротиба аз ташхиси коронавирус гузаранд.

Тести аввал дар муддати се рӯз баъди вориди Русия шудан супорида мешавад. Таҳлил ё тести дуввум дар муддати панҷ рӯз баъд аз расидан ба Русия бояд гузаронда шавад. Бар асоси қарори мақомоти тандурустии Русия, фосила миёни ташхисҳои якум ва дуюм бояд ҳаддиқал як рӯз бошад.

Дар эълоне, ки сомонаи Сафорати Русия дар Душанбе нашр кард омадааст, ин дастур ба шаҳрвандони Тоҷикистон низ дахл дорад. Ҳоло аз Тоҷикистон ба Русия ҳафтае ду парвози доимӣ ва чанд парвози чартерӣ сурат мегирад.

Маскав дар ҳоле аз шаҳрвандони хориҷӣ ду маротиба супурдани тести коронавирусро талаб мекунад, ки мусофирон қабл аз парвоз дар ватанашон аз ташхиси COVID-19 мегузаранд. 

Манбаъ: ozodi.org

Назар бидиҳед

Роёнишонии шумо нашр намешавад.