Сафири ИМА: Байден дар сӯҳбат бо Путин аз заҳролудкунии Навалний нигаронӣ кард

Сафири ИМА дар Маскав дар як изҳороташ аз рӯзи 16-уми апрел гуфт, дар сӯҳбати ахираш бо президенти Русия Владимир Путин раиси ҷумҳурии ИМА Ҷо Байден аз мавзӯи сӯиқасд ба ҷони сиёсатмадори мухолифи ҳукумат Алексей Навалний ёдовар шудааст.  Сафири ИМА дар Маскав Ҷон Салливан дар ҳоле аз ин ҷузъиёт хабар дод, ки дар изҳороти қаблии мақомоти Русия ва ИМА дар бораи ёдовар шудани мавзӯи Навалний хабаре набуд. Дар оғози тобистон Вашингтон таҳримҳои зидди Русияро барои заҳролуд кардани сиёсатмадори оппозитсионӣ афзоиш медиҳад. Ҷузъиёти сӯҳбатҳои ду президент дар бораи Навалний нашр намешавад, танҳо гуфта шудааст, ки “президент Байден аз амалҳои бадхоҳонаи Русия, аз ҷумла истифодаи силоҳи кимиёӣ ба ҳангоми заҳролудкунии Навалний ҷиддан изҳори нигаронӣ кардааст”.

Байден ва Путин рӯзи 13-уми апрел телефонӣ ҳамсӯҳбат шуданд ва Кремл гуфт, ки ин сӯҳбат бо ташаббуси Кохи Сафед барпо шуд. Байден баъдан гуфт, ки дар сӯҳбат бо раҳбари Русия “бисёр ошкор” буд ва ҳушдор дод, ки дар сурати идомаи мудохилаи Русия ба демократияи амрикоӣ, ба иқдомҳои баъдӣ омода мешавад.

Манбаъ: ozodi.org

Назар бидиҳед

Роёнишонии шумо нашр намешавад.