СОVID-19 маҳдудиятҳоро дар баъзе кишварҳо зиёдтар кард

Кишварҳои саросари дунё барои роҳ надодан ба сирояти бештари коронавирус маҳдудиятҳои гаштугузор ва фаъолиятҳои иқтисодиро зиёд мекунанд. Айни замон ваксиназӣ ба зидди бемории СOVID-19 дар Аврупо, Амрико ва дигар гушаҳои ҷаҳон идома дорад.

Нигаронӣ ҳоло аз сирояти навъи нави коронавирус зиёд мешавад, ки зуд сироят мекунад ва дар даҳҳо кишвар хуруҷ кардааст. Беморӣ то кунун 1. 8 миллион нафарро дар саросари ҷаҳон куштааст ва мақомоти баъзе аз кишварҳо гуфтаанд, мумкин аст, аҳвол бадтар шавад. Матбуоти Олмон рӯзи 2-уми январ гузориш дод, ки мумкин аст, ҳукумат ҳафтаи оянда маҳдудиятҳоро тамдид кунад.

Дар Бритониё, ки навъи нави вирус ва вогиртари он пайдо шуд, рӯзи 2-уми январ тақрибан 58 ҳазор мавриди нави сирояти беморӣ сабт шудааст. Дар Амрико рӯзона то 200 000 нафар ба СOVID-19 гирифтор мешаванд ва рӯзона то 2600 нафар мемирад. Дар иёлати Калифорния, ки аҳолиаш 40 миллион нафар аст, дар шаҳраки Лос Анҷелес беморони бистарӣ торафт зиёд мешаванд ва сардхонаҳо низ аз ҷасад пур шудаанд.

Манбаъ: ozodi.org

Назар бидиҳед

Роёнишонии шумо нашр намешавад.