Таркиши маргталабона дар Кобул 14 нафарро кушт ва 35 касро захмӣ кард

Таркиши маргталабона дар ғарби шаҳри Кобул ҷони дастикам 14 нафарро гирифта, 35 касро захмӣ кардааст. Ториқ Ориён, сухангӯйи Вазорати корҳои дохилии Афғонистон, гуфтааст, шахси бомбгузор қасд дошт, ба як маркази омӯзишӣ дар маҳаллаи Пули Хушки Дашти Парчӣ ҳамла кунад, аммо пеш аз ҳамла шиносоӣ шуд ва камарбанди интиҳории худро мунфаҷир кард. Шумори қурбониёни инфиҷор, мумкин аст, тағйир кунад. То ҳол ҳеч гуруҳ масъулияти таркишро ба уҳда нагирифтааст. Ҷунбиши Толибон эълом кард, ки инфиҷор кори онҳо набуд.

Манбаъ: ozodi.org

Назар бидиҳед

Роёнишонии шумо нашр намешавад.