Теъдоди рекордии гирифторони КОВИД-19 дар Ҳинд

Ҳинд ҳамоно наметавонад, бо афзоиши гирифторони коронавирус ва фавтидагони ин вабо дасту панҷа нарм кунад. Буҳрони COVID-19 дар қисматҳои дигари Осиёи Ҷанубӣ мушоҳида мешавад.

Танҳо дар як ҳафтаи охир дар Ҳинд 2 миллиону 600 ҳазор гирифтори нав ва 23 ҳазору 800 ҳолати фавт ва вабои коронавирус сабт шудааст. Дар 10 рӯзи охир ҳамарӯза наздики 300 ҳазор гирифтори нав дар Ҳинд сабт мешуд.

Рӯзи 3-юми май якбора 360 ҳазор мубталои нав ба коронавирус сабт шуд. Дар як рӯзи охир 3417 кас аз ин вабо фавтидааст. Дар маҷмуъ дар Ҳинд аз ин вабо наздики 215 ҳазор кас фавтидааст. Коршиносон мегӯянд, аз эҳтимол дур нест, ки теъдоди гирифторон ва фавтидагон бамаротиб бештар аз омори расмӣ бошад.

Кишварҳои дигар ба Ҳинд дар мубориза бо коронавирус кӯмаки тиббӣ ирсол мекунанд.

Афзоиши теъдоди гирифторон дар Непал ва Шри-Ланка ҳам мушоҳида мешавад. Ин ду кишвар ба камбуди беморхона, васоили тиббӣ ва дору рӯ ба рӯ ҳастанд.

Покистон низ дар пайи афзоиши гирифторон сарҳадҳояшро бо Афғонистону Эрон баст.

Манбаъ: ozodi.org

Назар бидиҳед

Роёнишонии шумо нашр намешавад.