Толибон дар сӯҳбат бо Помпео ӯҳдадории худ ба созиши сулҳ бо ИМА-ро такрор кардан

Толибон гуфтанд, ки дар як конфронси видеоӣ бо котиби давлатии ИМА Майк Помпео  пойбандии худ ба сулҳ дар Афғонистонро такрор карданд. Сухангӯи Толибон Суҳайл Шоҳин  рӯзи 30 июн дар Твиттер навишт, ки Толибон ва дипломати баландпояи амрикоӣ дар як сӯҳбати рӯзи гузашта ҷараёни музокироти сулҳро бар пояи созиши моҳи феврал имзошуда баррасӣ карданд. Шоҳин навишт, “мо ба шурӯи музокироти дуҷониба бо ҳукумати Афғонистон ӯҳдадор ҳастем, вале табодули зиндониҳо ин ҷараёнро ба таъхир гузошт”. Бар пояи созиш, ду ҷониб ҳазорҳо зиндониҳо, аз ҷумла 5 ҳазор зиндонии Толибонро озод мекунанд. Ҳанӯз Департаменти давлатии ИМА анҷом шудани чунин як гуфтугӯи видеоии онлайниро тасдиқ накардааст. 

Созиши ИМА бо Толибон хуруҷи нирӯҳои ИМА аз хоки Афғонистон ва музокироти Толибон ва ҳукумати Кобулро пешбинӣ мекунад. Бар асоси ин созиш ИМА то миёнаҳои июл шумори нирӯҳояшро аз 12 ҳазор то 8600 нафар кам мекунад. Дар сурати пурра иҷро шудани шартҳои созиш, то миёнаҳои соли 2021 нирӯҳои байналмилалӣ пурра аз хоки Афғонистон берун хоҳанд шуд. 

 

Манбаъ: ozodi.org

Назар бидиҳед

Роёнишонии шумо нашр намешавад.