Як корманди шаҳрдории Бишкек баъди аз худ кардани маблағи фурӯши 8 манзил боздошт шуд

Як корманди шаҳрдории Бишкек дар азхудсозии маблағи фурӯши 8 манзил гумонбар мешавад. Дар ин бора мақомоти шаҳри Бишкеки Қирғизистон хабар доданд.

Ӯро ҳангоми убури ғайриқонунии марзи Қирғизистон бо Тоҷикистон дар ноҳияи Лайлаки вилояти Бодканд боздошт карданд. Ин корманди шаҳрдории Бишкек мехост, тавассути Тоҷикистон ба Туркия равад.

Боздоштшударо ба ҳабс гирифтаанд.

Пештар аз ин мақомоти шаҳрдории Бишкек хабар дода буданд, ки Эрик Аширалиев, масъули Раёсати амволи шаҳрдорӣ 8 манзили мутааллиқ ба шаҳрдориро фурӯхта, ғайб задааст. Ба иттилои мақомот, вай ҳамагӣ 1,5 моҳ дар шаҳрдории Бишкек фаъолият кардааст.

Пулис ҳаҷми зарари расонидаи ӯро 583 ҳазор доллар арзёбӣ мекунад.

Манбаъ: ozodi.org

Назар бидиҳед

Роёнишонии шумо нашр намешавад.