Як ширкати азими Кореяи Ҷанубӣ ба истеҳсоли Sputnik V шурӯъ мекунад

Як ширкати Кореяи Ҷанубӣ гуфт, ки раҳбарии барномаи истеҳсоли 100 миллион воя (доза) воксинаи русии навъи Sputnik V-ро  шурӯъ мекунад.  Ширкати Huons Global рӯзи 16-уми апрел гуфт, ки ин ширкат ва шариконаш моҳи август ба истеҳсоли намунаҳои воксинаи русӣ шурӯъ мекунанд ва ин воксина, ки бо дархости Фонди сармояҳои мустақими Русия ба истеҳсол гузошта мешавад, барои таъмин кардани кишварҳои хориҷӣ равона хоҳад шуд. Се ширкате, ки дар Корея бо истеҳсоли воксинаи русӣ машғул мешаванд,  қарор аст ин корро дар заминаи корхонаи наве ба роҳ монанд, ки бояд сохта шавад.

Ин хабар рӯзе баъди он  нашр шуд, ки сафири Эрон дар Маскав гуфт, Теҳрон бо Русия дар заминаи таъмини 60 миллион дона воксинаи Sputnik V барои пешгирӣ аз олудашавӣ ба COVID-19 созише имзо кардааст. Козим Ҷалолӣ ба оҷонсии давлатии ИРНА  гуфт, бар асоси ин созиш 30 миллион нафар пурра эм карда мешавад.

Сафири Ҳинд дар Маскав инчунин дар як изҳороташ гуфт, ки қарор аст то охири моҳи апрел таъмини ин кишвар бо воксинаҳои  русӣ шурӯъ мешавад.

Манбаъ: ozodi.org

Назар бидиҳед

Роёнишонии шумо нашр намешавад.